Мамкурулуш: Ысык-Көл районунда мыйзамсыз курулган 146 эс алуучу жай аныкталды
- 1 год мурун
Ысык-Көл районунда мыйзамсыз курулган 146 эс алуучу жай аныкталды. Бул тууралуу Архитектура, курулуш жана турак жай-коммуналдык чарба мамлекеттик агенттигинин басма сөз кызматы кабарлады.
Маалыматка ылайык, агенттик президенттин “Ысык-Көлдүн экологиясын сактоо боюнча кечиктирилгис чаралар жөнүндө” жарлыгы боюнча облустагы эс алуучу жайларды жана пансионаттарды мониторингден өткөргөн. Анын жыйынтыгында Ысык-Көл районунун аймагында мыйзамсыз курулган 146 объект аныкталган.
Агенттик бул объекттер боюнча материалдар сот жана укук коргоо органдарына жөнөтүлөрүн билдирди.
Муну бөлүшүү
