Кыргызстандын Тышкы иштер министрлиги тажик тарапка нааразылык нотасын тапшырды

Кыргызстандын Тышкы иштер министрлиги тажик тарапка нааразылык нотасын тапшырды. Бул тууралуу аталган министрликтин басма сөз кызматынан билдиришти.

«Тажик тарап буга чейин сүйлөшүлгөн бардык макулдашууларды бузуп, Кыргыз мамлекетинин чек арасына аскерин тартып келип, куралдуу күчтөрдү, аскердик оор техникаларды колдонуу менен чек ара постторун жана калк жашаган аймакты аткылаган», — деп жазылат маалыматта.

Буга чейин Кыргыз-тажик тышкы иштер министрлери чек арадагы абалды сүйлөшкөн.