Кыргызстандыктар үчүн Израилде жумушчу квоталарын ачуу мүмкүнчүлүгү талкууланды

Кыргызстандын Израилдеги элчиси Кубанычбек Өмүралиев Израиль мамлекетинин тышкы иштер министринин орун басары Идан Ролл менен жолукту. Бул тууралуу Кыргызстандын Тышкы иштер министрлигинин басма сөз кызматы билдирди.

ТИМдин маалыматына ылайык, жолугушуунун жүрүшүндө тараптар Кыргызстанда тамчылатып сугаруу системасын киргизүү боюнча макулдашууга жетишишти. Ошондой эле Кыргызстандын жарандарына Израилде эмгек ишмердүүлүгүн жүргүзүү үчүн жумушчу квоталарын ачуу мүмкүнчүлүгүн талкуулашты.