Кыргызстандык зыяратчылардын алгачкы тобу ажылык сапарга жөнөп кетти

2 года мурун

Бүгүн, 16-июнда кыргызстандык зыяратчылардын алгачкы тобу Медина шаарына сапар алды. Бул тууралуу муфтияттан кабарлашты.

Маалыматка ылайык, ажылык ибадатын аткаруу үчүн аттанган 405 жаранды 8 ажы башчы жана штаб жетекчиси, дарыгерлер коштоп кетти.

Быйыл Кыргызстандын жарандарына ажылыкка барууга 2766 квота бөлүнгөн. Коронавирус пандемиясына байланыштуу Сауд Арабиясы 2020-жылы ажылык зыяратты убактылуу токтоткондон бери кыргызстандыктар ага бара элек болчу. Ал жылы Кыргызстанга 6110 квота бөлүнгөн, сапардын баасы 3350 доллар эле. Быйыл ажылык сапардын акысы 4500 доллар деп бекитилди.