Кыргызстанда аптаптуу ысык 28-июлга чейин созулат

2 года мурун

Кыргызстанда кургак гана аномалдуу ысык аба ырайы 28-июлга чейин созулат. Бул тууралуу Өзгөчө кырдаалдар министрлигинен билдиришти.

Күндүн табы Чүй өрөөнүндө 36-41, Талас өрөөнүндө 34-39, Ош, Жалал-Абад, Баткен облустарында 37-42, тоо этектеринде 34-39, Суусамыр өрөөнүндө 27-32, Ысык-Көл ойдуңунда 29-34, Нарын облусунун дыйканчылык аймактарында 31-36, тоолуу райондордо 24-29, бийик тоолордо 14-19 градуска чейин көтөрүлүшү мүмкүн.

ӨКМ ысык аба ырайынан сактануу үчүн күндүз күн ачык жерлерде көпкө жүрбөөнү сунуштайт.