Чүйдө чек арага жакын жерде казакстандык жоокердин сөөгү табылды
- 2 года мурун
Чүйдө кыргыз-казак мамлекеттик чек арасына жакын жерде казак жоокеринин сөөгү табылды. Бул тууралуу Чүй облустук ички иштер башкармалыгынын басма сөз кызматы кабарлады.
Милициядан билдиришкендей, 10-апрель күнү болжол менен саат 17:40та Панфилов райондук ички иштер органына 20-25 жаштагы жигиттин сөөгү табылгандыгы тууралуу кабар түшкөн. Жерине ыкчам тергөө тобу барып, кыргыз-казак чек арасына жакын жерде аскага куру менен асынып калган адамдын сөөгүн табышкан.
Тергөө иштеринин жүрүшүндө маркум Казакстандын 2003-жылы туулган Б.У., аттуу жараны экени аныкталган.
Учурда тиешелүү экспертизалар дайындалып, сотко чейинки өндүрүш иши уланууда.
Муну бөлүшүү
