Кочкор районунда Ормон хандын эстелиги ачылды

Президент Садыр Жапаров бүгүн, 2-октябрда, Нарын облусунун Кочкор районунун Семиз-Бел айылында Кыргыз РеспубликасXынын туусун көтөрүү жана  Ормон хандын эстелигинин ачылыш аземине катышты.

-XIX кылымдагы татаал кырдаалда Ормон Ниязбек уулу бытыранды кыргыз урууларын бир хандыкка бириктирүү демилгесин көтөрүп, хан шайланып, жоопкерчиликти өзүнө алган. Бул окуяны — Кыргыз хандыгынын түзүлүшүн кыргыз мамлекеттүүлүгүн калыбына келтирүүдөгү эң орчундуу окуя катары кароого болот. Ошондуктан Ормон хан атабыздын кыргыз элинин эгемендиги үчүн жасаган эрдиги менен өтөгөн эмгеги татыктуу бааланышы керек,-деди президент Жапаров.