ӨКМ: өлкөнүн тоолуу райондорунда кар көчкү түшүү коркунучу жогору

2 года мурун

Өзгөчө кырдаалдар министрлиги (ӨКМ) өлкөнүн тоолуу райондорунда кар көчкү түшүү коркунучу жогору экенин маалымдады.

Мекеме билдиргендей, Кыргызстандын аймагында жаап өткөн жана күтүлүп жаткан жаан-чачынга байланыштуу 7-декабрдан 8-декабрга чейин тоолуу райондордо, Ала-Бука — Каныш-Кыя унаа жолунун 68-75-чакырымдарында (Чапчыма ашуусу) кар көчкү түшүүcү жана кар күрткүсү күтүлөт, жолдор тайгак болуп муз тоңот.

ӨКМ унаалардын ортосундагы 500 метр аралык сакталышы зарыл экенин эске салат.