“Кемпир-Абадды коргоо комитети» абакта ооруп жаткандарды ооруканага которуу боюнча кайрылуу жасашты

“Кемпир-Абадды коргоо комитети» абакта ооруп жаткандарды ооруканага которуу боюнча кайрылуу жасашты.

«Кемпир-Абадды коргоп камакта жаткандар, саясий туткундар Жогорку Кеңештин төрагасына, адам укуктары боюнча түзүлгөн комиссиянын төрайымы Гуля Кожомкуловага, Акыйкатчы институтуна, кыйноолорду алдын-алуу борборуна кайрылып, биздин талапка көмөктөшөт жана абактагы абалыбыз менен жакындан таанышып кетет деп ишенебиз. Кемпир-Абад боюнча камалган аялзатын, Азимбек Бекназаровду, Мамбетжунус Абыловду, Равшан Жээнбековду, Таалайбек Мадаминовду атайын ооруканага чыгарууну талап кылабыз. Биз кайрылган жогорку бийлик, мамлекеттик уюмдар адам өмүрүнө кайдыгер болбойт деп ишенебиз», — деп жазылат кайрылууда.