Кара-Көлдө өспүрүмгө карата ыплас аракеттерди жасаганга шектелген жаран кармалды
- 2 недели мурун
Кара-Көлдө өспүрүмгө карата ыплас аракеттерди жасаганга шектелген жаран кармалды. Бул тууралуу Жалал-Абад ОИИБинин басма сөз кызматынан билдиришти.
Маалыматка ылайык, бул окуя боюнча жабырлануучу тарап 11-апрель күнү Кара-Көл ШИИБне арыз менен кайрылган. Арыз кылмыштардын бирдиктүү реестрине катталып териштирүү башталган жана тиешелүү экспертизалар дайындалган.
Текшерүүнүн жүрүшүндө окуя 31-март күнү болгону такталган жана Кыргыз Республикасынын КЖКнын 158-беренеси (ыплас аракеттер) менен кылмыш иши козголгон.
Тергөөнүн жүрүшүндө, 18-апрель күнү 62 жаштагы Кара-Көл шаарынын тургуну Т.А. Кыргыз Республикасынын ЖПКнин 96-97-беренелеринин негизинде камакка алынган.
Учурда бул кылмыш иши боюнча тергөө амалдары жүргүзүлүп жатат.
Муну бөлүшүү
