Каналга түшүп кеткен үчүнчү жарандын сөөгү табылды

1-январь күнү Өзгөчө кырдаалдар министрлигинин куткаруучулары 30-декабрда Бишкек ЖЭБинин техникалык каналына түшүп кеткен үчүнчү жарандын да сөөгүн табышты.

Буга чейин маалым болгондой, Бишкектин «Тазалык» ишканасынын үч кызматкери 30-декабрда таңкы саат 08:00-08:30 чамасында жумушун бүтүрүп келе жатып каналга түшүп кеткен. Алар кандайча каналга түшүп кеткени белгисиз.

Бишкек шаарынын мэри Айбек Жунушалиев сууга чөгүп кеткен жумушчулардын жакындарына жардам көрсөтүлөрүн билдирген.