Иранда 103 адамдын өмүрүн алган терактка шектүүлөр кармалды
- 7 месяцев мурун
Ирандын ички иштер министри Ахмад Вахиди 5-январда Керман шаарындагы терактка тиешеси бар деп шектелген бир нече адам кармалганын билдирди.
Tasnim агенттигинин маалыматына ылайык, теракт 3-январда Ислам революциясынын сакчылар корпусунун (ИРГК) курман болгон генералы Касем Сулейманини эскерүү аземинде болгон. Биринчи жарылуу Сулейманинин мүрзөсүнөн 700 метр, экинчиси андан бир чакырым алыстыкта болгон.
Кош жардыруудан 103 киши набыт болуп, 300дөн ашуун адам жарадар болгон.
Буга чейин маалымат каражаттары Ирандагы теракт үчүн жоопкерчиликти ИШИМ (ИГИЛ) өзүнө алганын жазып чыгышкан.
Муну бөлүшүү
