Эртең өлкөдө аба ырайы кескин өзгөрүлүшү мүмкүн
- 1 год мурун
Эртең, 27-августта өлкөдө аба ырайы кескин өзгөрүлүшү мүмкүн. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка ылайык, 27-августта күндүз жана 28-29-августта өлкө аймагында аба ырайынын кескин өзгөрүлүшү күтүлөт.
27-августта күндүз жана 28-августта көпчүлүк аймактарда жаан жаап, тоолуу райондордо жаан карга айланышы, айрым жерлерде жаан-чачын катуу жаашы күтүлөт. 28-29-августта абанын температурасы төмөндөйт.
Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге жетиши күтүлөт. Мындай туруксуз аба ырайы автоунаа, энергетика жана коммуналдык кызматтардын ишин жана жайыттарда малды кармоону, айыл чарба жумуштарын кыйындатат.
Муну бөлүшүү
