Эртең Бишкектин Чүй проспектисинин бир бөлүгүндө унаа кыймылы токтотулат
- 1 год мурун
Эртең, 29-апрелде Бишкектин Чүй проспектисинин бир бөлүгүндө унаа кыймылы токтотулат. Бул тууралуу мэриянын басма сөз кызматынан билдиришти.
Маалыматка ылайык, 29-апрелде саат 16:00дөн 00:00гө чейин Чүй проспектисинин Панфилов көчөсүнөн Эркиндик бульварына чейинки бөлүгү унаа кыймылы үчүн жабылат. Бишкек шаарынын 145 жылдыгына карата Ала-Тоо аянтында майрамдык концерттин өтүшүнө байланыштуу унаа кыймылына чектөө киргизилет.
Мэрия келтирилген ыңгайсыздык үчүн кечирим сурап, каттамды алдын ала пландаштырып алууну суранат.
Муну бөлүшүү
