Эгемендик күнү: Негизги майрамдык иш-чаралар Жалал-Абадда өтөт

Быйыл Кыргызстандын эгемендүүлүк майрамына карата негизги иш-чаралар Жалал-Абад шаарында белгиленет.

Учурда даярдыктар кызуу жүрүүдө. Шаардагы айланма жолдордо посттор орнотулуп, коопсуздук чаралары күчөтүлүүдө.

Президенттин катышуусунда бир катар социалдык объектилердин, анын ичинде обладминистрациянын жаңы имаратынын ачылышы күтүлүүдө.

Жогорку Кеңеш 1990-жылдын октябрында өлкө аталышын Кыргыз Республикасы деп өзгөртүп, 15-декабрда Эгемендик декларациясы кабыл алынган. 1991-жылдын 31-августунда өлкөнүн Эгемендик күнү жарыялаган.