«Дордой» базарында бомба изделүүдө. Жарандар эвакуяцияланды

1 год мурун

Бишкекте бүгүн, 21-июлда «Дордой» базарына бомба коюлганы тууралуу маалымат түшкөн.

Свердлов райондук милициясынан билдиришкендей, «Дордойдогу» «Алкан» базарынын аямагында бомба коюлганы тууралуу маалымат 102 номерине келип түшкөн. Окуя болгон жерге РИИБдин тергөө-ыкчам тобу барып, ал жер милиция кызматкерлери тарабынан курчоого алынган. Жарандар эвакуацияланды.

Учурда жеринде Ички иштер министрлигинин Баңгизаттарды мыйзамсыз жүгүртүүгө каршы күрөшүү кызматынын кинологдору иштеп жатат.