Депутаттык комиссия Жамгырчиевди жоопкерчиликке тартууга уруксат берди. Анын кайда экени белгисиз

Депутаттык комиссия Эмил Жамгырчиевди жоопкерчиликке тартууга уруксат берди. Бул тууралуу өздүк булак билдирди.

Бүгүн, 9-январда комиссиянын жыйыны жабык өттү. Анда депутаттардын көпчүлүгү Жамгырчиевди кылмыш жоопкерчилигине тартууга уруксат берген.

Жамгырчиев маалымат жыйын өткөрө турганы айтылган. Бирок ал белгиленген маалымат жыйын өткөн жок.

УКМК тергөөчүлөрү депутатка чакыруу кагазын берүүгө келгенде Жамгырчиев фракциялашынын кабинетине кирип, 2-кабаттагы терезеден секирип түшкөнү айтылды.