Дагы бир катар ЖОЖдорго өзгөчө макам берилет
- 1 месяц мурун
Президент Садыр Жапаров жогорку билим берүү мамлекеттик уюмдарынын финансылык, материалдык жана интеллектуалдык ресурстарын консолидациялоо, потенциалын жана билим берүү кызматтарын көрсөтүүнүн дүйнөлүк рыногунда атаандаштыкка жөндөмдүүлүгүн жогорулатуу максатында, 2022-жылдын 18-июлундагы жарлыкка өзгөртүү киргизүү жарлыгына кол койду.
Жарлыкка ылайык:
– Баткен мамлекеттик университети;
– Касым Тыныстанов атындагы Ысык-Көл мамлекеттик университети;
– Бекмамат Осмонов атындагы Жалал-Абад мамлекеттик университети;
– Сатыбалды Нааматов атындагы Нарын мамлекеттик университети;
– Талас мамлекеттик университетине өзгөчө макам берилет.
Буга чейин 2022-жылдын 18-июнундагы жарлык менен бул жогорку окуу жайларга өзгөчө макам берилген:
– Жусуп Баласагын атындагы Кыргыз улуттук университети;
– Исхак Раззаков атындагы Кыргыз мамлекеттик техникалык университети;
– Константин Скрябин атындагы Кыргыз улуттук агрардык университети;
– Иса Ахунбаев атындагы Кыргыз мамлекеттик медициналык академиясы;
– Ош мамлекеттик университетине.
Ошондой эле 2024-жылдын март айында Кыргыз-Россия славян университети (КРСУ) өзгөчө макамга ээ болгон.
Сүрөттө: Ысык-Көл мамлекеттик университети. Интернет булактарынан
