Чолпон-Атадагы саммитке катышуу үчүн Түркмөнстандан Нурмухаммет Аманнепесов келди
- 1 год мурун
Түркмөнстандын Министрлер кабинетинин төрагасынын орун басары Нурмухаммет Аманнепесов Кыргызстанга келди.
Өкмөттүн басма сөз кызматы билдиргендей, Аманнепесов 2-июнда Чолпон-Ата шаарында өтө турган Борбор Азия өлкөлөрүнүн башчылары менен Европа кеңешинин төрагасынын экинчи жолугушуусуна катышат.
2-июнда Чолпон-Ата шаарында “Европа Биримдиги – Борбор Азия” аталыштагы экинчи саммит өтөт. Ага Казакстандын президенти Касым-Жомарт Токаев, Тажикстандын президенти Эмомали Рахмон, Өзбекстандын президенти Шавкат Мирзиёев, Түркмөнстандын Министрлер кабинетинин төрагасынын орун басары Нурмухаммет Аманнепесов жана Европа Кеңешинин президенти Шарль Мишель катышмакчы.
Муну бөлүшүү
