Чүйдө жер астындагы баңги лабораторияны уюштурганга шектелген жарандар кармалды

4 килограммга жакын «Мефедрон» жана 425 килограмм прекурсорлор алынып, Чүй облусунда дары лабораториясы жок кылынды. Бул тууралуу Ички иштер министрлигинин басма сөз кызматынан билдиришти.

Маалыматка ылайык, мыйзамсыз жүгүртүүдөн 3 килограмм 790 грамм «Мефедрон» психотроптук заттар жана 425 килограмм ашык прекурсорлор алынды.

Дарылар даярдалган дары лабораториясы Аламүдүн районунун Прохладное айылында жайгашкан.Андан киийн, 25-октябрда ИИМдин БМЖКККнын кызматкерлери тарабынан ыкчам-издөө иш-чараларын жүргүзүү учурунда коңшу өлкөнүн эки жараны 1999-жылы туулган Г.Д. жана 1994-жылы туулган П.А. Синтетикалык препараттарды чыгаруу боюнча жер астындагы баңги лабораторияны уюштурган жарандар кармалды.

Тинтүү учурунда кампанын тиркемесинде жасалма баңгизаттарды колго жасоочу лаборатория үчүн жабдылган бөлмө табылган.

«Баңги лабораториясында, салмагы 3 килограмм 790 граммды түзгөн “мефедрон” психотроптук заты салынган желим баштык, белгисиз суюктук толтурулган 25 канистр, ошондой эле атайын жабдуулар, бир нече аппараттар, насостор, таразалар табылган жана алынган, чака, колба жана ар кандай көлөмдөгү жана формадагы башка айнек идиштер алынган.

Алынган прекурсорлордун жалпы салмагы 425 килограммды түзгөн. Ошентип жалпы суммасы 20 миллион сомдон ашык мефедрондун 22 миңден ашык дозасын таратууга бөгөт коюлган. Баңги лабораторияны уюштурган П.А. экени аныкталып, кампаны ижарага алгандыгы тастыкталган. Ал социалдык тармактар аркылуу синтетикалык баңгизатын өндүрүү үчүн материалдарды сатып алып алган. Андан кийин Г.Д. жаран менен биргеликте дагы бир дары лабораториясын ачууну көздөшкөн», — деп жазылат маалыматта.

Кылмышка шектүүлөргө карата Кылмыш-жаза кодексинин 282-беренесинин 1-бөлүгүндө каралган кылмыштын белгилери менен кылмыш иши козголуп, тергөө абагына киргизилди.