Үч айда жол эрежесин бузгандардын айып пулу 119 миллион 276 миң сомду түздү

Үч ай ичинде 234 миң 303 жол эреже бузуу фактылары аныкталды. Бул тууралуу ИИМдин Жол кыймылынын коопсуздугун камсыздоо башкы башкармалыгынын басма сөз кызматынан билдиришти.

2023-жылдын үч ай ичинде жол кыймылынын коопсуздугун камсыздоо башкы башкармалыгы тарабынан 234миң 303 жол эрежесин бузган айдоочулар аныкталып, 119 миллион 276 миң сом мамлекеттик бюджетке өндүрүлгөн.

Алардын ичинен:

-Авто унаа каражаттарын тийиштүү документтери жок башкаруу-3312;

-Мас абалында авто унаа каражатын башкаруу -3285;

-Белгиленген ылдамдыктан ашырып айдоо -29 912;

-Коопсуздук курун тагынбай унаа башкаруу-72 159;

-Терезелерин мыйзамсыз караңгылатуу -905;

-Мамлекеттик номуру жок унаа башкаруу-101;

-Автоээнбаштык 91;

-Жол белгилерине баш ийбөө -88 544;

-Каршы тилкеге чыгуу-5384;

-Башка жол эрежелерин бузуулар -30 610.

Ар кандай жол эрежелерин бузгандыгы үчүн, 17 390 авто унаа убактылуу айып короо жайына токтотулду.