Бурана мунарасынан кулап түшкөн жаран каза болду
- 2 года мурун
Токмок шаарындагы Бурана мунарасынан 25 жаштагы жаран кулап түшүп, каза тапты. Бул тууралуу Чүй облустук милициясынан билдиришти.
Маалыматка ылайык, окуя 30-майда болгон. Маркум 1997-жылы туулган С.М. экени аныкталган.
Милициядан билдиришкендей, тергөөнүн жүрүшүндө каза болгон кыз кырсык болгон жерге жалгыз келгени жана мунарага чыккан учурда жанында эч ким болбогону белгилүү болгон.
Учурда бул факты боюнча сотко чейинки териштирүү иштери жүрүп жатат.
Муну бөлүшүү
