БШК сайтына жарыялаган шайлоонун алдын ала жыйынтыгы тууралуу маалыматты алып салды
- 3 года мурун
Малым болгондой, буга чейин БШКнын сайтындагы шайлоонун жыйынтыгы тууралуу маалыматтар туура эмес берилип жаткан. Андан соң жыйынтыктары көрсөтүлбөй калды.
Бүгүн, 28-ноябрь саат 20:00дө Кыргызстанда Жогорку Кеңештин депутаттарын шайлоо аяктады. Учурда автоматтык эсептөө урнасы добуштарды эсептеп жатат.
Саат 20:30га карата 1500гө жакын шайлоо тилкесиндеги жыйынтык борбордук автоматташкан системага түштү. Жалпысынан 2494 шайлоо тилкеси бар.
Алдын ала жыйынтык боюнча, 10 партия 5 пайыздык чектен өттү эле:
«Ата-Журт Кыргызстан» — 29,03%
«Ишеним» — 24,09%
«Ынтымак» — 20,69%
«Альянс» — 14,47%
«Бүтүн Кыргызстан» — 11,15%
«Ыйман нуру» — 10,19%
«Эл үмүтү» — 8,90%
«Азаттык» — 7,90%
«Социал-демократтар» — 6,32%
«Ата Мекен» — 6,45%
Шайлоодо 21 партия ат салышты. Бул жолу добуш берүүдө жаңы ыкма колдонулду. Жарандар бюллетенде партияга жана партиянын тизмесиндеги өзү каалаган талапкерге добуш беришти. Азырынча кайсы талапкерлер алдыда келатканы маалым эмес.
