Бишкектин Свердлов районунда тамеки чегүүгө каршы рейдде 200 миң сом айып салынды
- 2 года мурун
Бишкектин Свердлов районунда тамеки чегүүгө каршы жүргүзүлгөн рейдде 200 миң сом айып салынды. Бул тууралуу мэриянын басма сөз кызматынан билдиришти.
Свердлов райондук администрациясы Бишкек шаарынын мамлекеттик санитардык-эпидемиологиялык көзөмөл борбору жана райондук ички иштер башкармалыгынын инспекторлору менен биргеликте рейддик иш-чараларды өткөрдү.
Рейд учурунда коомдук жайларда тамеки чегүүгө тыюу салуу талабын бузган, тамактануучу жана көңүл ачуучу жайлар текшерилди.
Жалпысынан 30 объект текшерилип, 4 протокол түзүлүп, 12 санитардык көрсөтмө берилди. «Balagan», «Sarya», «Grammy» жана «Дым Востока» аттуу жайларга 200 миң сом өлчөмүндө айып салынды.
Муну бөлүшүү
