Бишкектеги Новопавловка көрүстөнүнө мындан ары сөөк коюлбайт
- 2 недели мурун
Ушул жылдын 5-сентябрынан тарта Бишкек шаарындагы «Ак-Ордо» жаңы конушунда жайгашкан Новопавловка көрүстөнүндө маркумдарды жерге берүү токтотулат. Бул тууралуу шаардык мэрия билдирди.
Маалыматка ылайык, көрүстөнгө сөөк коюу көмүлгөн жерди күтүүгө карата санитардык-экологиялык талаптардын сакталышын камсыз кылуу максатында токтотулган.
Бул чечим мыйзамда белгиленген тартипте Экология жана техникалык көзөмөл кызматынын жана Бишкек шаарынын мамлекеттик санитардык-эпидемиологиялык көзөмөл борборунун корутундуларынын негизинде кабыл алынганы айтылды.
«Маркумдардын сөөгүн коюу Чүй облусунун Аламүдүн районундагы Гроздь айылындагы шаардык көрүстөндө жүргүзүлүшү мүмкүн»,-деп айтылат маалыматта.
Сүрөт: интернет булактары
Муну бөлүшүү
