Бишкекте Жапаров менен Мирзиёевдин расмий жолугушуусу башталды
- 1 год мурун
Бүгүн, 27-январда Бишкек шаарында Кыргызстандын президенти Садыр Жапаров менен Өзбекстандын президенти Шавкат Мирзиёевдин расмий жолугушуусу башталды.
«Ала-Арча» мамлекеттик резиденциясында мрамор чатырдын астында Кыргызстандын жана Өзбекстандын мамлекеттик желектери илинип, Ардак кароол тизилип, килемдер төшөлдү.
Мамлекет башчыларынын өз ара саламдашуусунан кийин Өзбекстан менен Кыргызстандын мамлекеттик гимндери жаңырды. Өлкө башчылары Ардак кароол ротасынын командиринин рапортун кабыл алып, катарды айланып өтүштү.
Андан соң Садыр Жапаров менен Шавкат Мирзиёев расмий делегацияларын тааныштырышып, Ардак кароолдун аскер кызматчылары мамлекет башчыларынын алдынан өтүштү.
Муну бөлүшүү
