Бишкекте жайкы мектеп лагерлери ачылат
- 1 год мурун
Бишкек шаарынын мэриясы шаардын 39 мектебинде лагерлердин ишин уюштурса, 34 мектепте коомдук тамактануу менен лагерлер уюштурулду. Бул тууралуу мэриянын басма сөз кызматынан билдиришти.
Лагерлер 5-июндан 30-июнга чейин иштейт. Мектеп лагерлери саат 8:00дөн 14:00гө чейин иштейт жана 4285ке жакын окуучуну камтыйт.
Учурда лагерлерди ачууга даярдоо иштери жүрүп – эс алууну каалаган окуучулардын тизмелери, лагерлердин иш пландары, жайкы каникулга карата балдардын чыгармачылык борборлорунун ийримдеринин жана спорт секцияларынын иштери такталып жатат.
Мектеп лагеринин иштөө мезгилинде балдар ийримдер менен алектенүүгө мүмкүнчүлүк алышат, маданий саякаттар, спорттук оюндар, сынактар жана башка көптөгөн нерселер уюштурулат. Балдар үчүн балдардын чыгармачылык борборлору 71 ийримдин ишин уюштурат.
Ар бир мектеп лагерине медициналык кызматкер, борбордун ички иштер башкы башкармалыгынын жашы жете элек өспүрүмдөр менен иштөө инспектору бекитилип, балдардын коопсуздугун мектеп коопсуздук кызматы камсыздайт.
