Бишкекте жаңы салынып жаткан көп кабаттуу үйдөн чыккан өрт түндө өчүрүлдү
- 1 месяц мурун
Бишкек шаарынын Октябрь районунун Анкара көчөсүндө жайгашкан жаңы салынып жаткан көп кабаттуу үйдөн чыккан өрт 13-августта саат 01:20 да өчүрүлдү.
Бул тууралуу өзгөчө кырдаалдар (ӨКМ) министрлиги билдирди.
Тилсиз жоо менен күрөшүүгө жалпы өрт өчүрүүчү 8 машина, анын ичинде 54 метрлик эки автошаты тартылган.
Өрттүн жалпы аянты 850 м² күйүп, 1500 м² сакталып калды. Өрт саат 00:23дө чектөөгө алынып, 01:20 да толук өчүрүлдү.
Өрттүн кесепетинен жабыргандар жок, кырсыктын келип чыгуу себеби такталууда.
Бишкек шаарынын Октябрь районунун Анкара көчөсүнүн №5 дарегинде жайгашкан жаңы салынып жаткан көп кабаттуу турак үйдөн 12-августта кечинде өрт чыкты.
Сүрөт: ӨКМ
Муну бөлүшүү
