Бишкекте жүргүнчүнү урган маршруттук таксинин айдоочусу иштен алынды
- 2 года мурун
Бишкекте жүргүнчүнү урган маршруттук таксинин айдоочусу иштен алынды. Бул тууралуу мэриянын басма сөз кызматынан билдиришти.
«Жүргүнчүлөрдү ташуу башкармалыгы» муниципалдык ишканасына карамагында турган № 173 каттамдын линиясынын айдоочусу У.Бообеков менен жүргүнчүлөрдү ташуу келишими бузулуп, келишимдик милдеттенмелер да бир тараптуу бузулган.
Айдоочу Кыргыз Республикасынын колдонуудагы ченемдик-укуктук актыларын одоно бузгандыгы үчүн иштен бошотулду.
Ошондой эле, жогорудагы каттамдын бригадири менен түшүндүрүү иштери жүргүзүлүп, ал тараптан жүргүнчүлөрдү ташууда этиканы сактоо жөнүндө айдоочулар курамы менен сүйлөшүүлөр уюштурулду», — деп жазылат маалыматта.
15-сентябрда маршруттук таксинин айдоочусу окуучу баланы уруп салгандан улам жүргүнчүлөр менен урушуп жаткан видео социалдык тармактарга тараган.
