Бишкекте унаа кыймылы үчүн Панфилов көчөсү ачылып, Орозбеков көчөсү жабылды
- 1 год мурун
Бишкекте унаа кыймылы үчүн Панфилов көчөсү ачылып, Орозбеков көчөсү жабылды. Бул тууралуу мэриянын басма сөз кызматынан билдиришти.
Курулуш иштери аяктагандан кийин Панфилов көчөсүнүн Фрунзе көчөсүнөн Жибек-Жолу проспектисине чейинки бөлүгү ачылды.
«Эски асфальт алынып, тосмо таштары жана ирригация системаны орнотулуп, люктарды жолдун деңгээлине көтөрүлүп, эки катмар асфальт-бетон аралашмасы төшөлдү. Жөө жүргүнчүлөр үчүн өтмөктөрдө тиешелүү жол белгилери менен ак жана сары боёктор менен чийилген жол чийиндери пайда болду. Жакында тротуардын курулушун улантып, бул объектиде курулуш иштерин жыйынтыктайбыз», — деп жазылат маалыматта.
15-майдан тарта Орозбеков көчөсү Фрунзе көчөсүнөн Жибек-Жолу проспектисине чейин унаалар үчүн жабылат. Анда ирригация системасы орнотулуп, жолду жана тротуарларды жаңылоо иштери пландалууда.
