Бишкекте мэр Кубогуна арналган мелдеш өтөт
- 2 года мурун
19-ноябрдан 11-декабрга чейин Бишкек шаарынын мэринин кубогуна түзүмдүк бөлүмдөрдүн, райондук администрациялардын жана шаардык кеңештин арасында мелдештер өтөт. Бул тууралуу мэриянын басма сөз кызматынан билдиришти.
Мелдеш спорттун төмөнкү түрлөрү боюнча өткөрүлөт: кичи-футбол, волейбол, стол тенниси, бильярд, шахмат, дартс, аркан тартыш.
Бишкек шаарынын мэринин кубогуна катышуу үчүн 25тен ашык команда арыз берген.
Кичи-футбол боюнча алдын ала оюндар 19-ноябрда Кыргыз мамлекеттик дене тарбия жана спорт академиясынын манежинде башталат.
Волейбол боюнча алдын ала оюндар 20-декабрда №62 мектеп гимназиясынын спорт залында башталат.
Спорттун калган түрлөрү боюнча мелдештер 3-декабрда башталат.
Муну бөлүшүү
