Бишкекте май алмаштыруучу жайдан чыккан өрттөн жабыркагандар жок
- 7 месяцев мурун
Бишкекте май алмаштыруучу жайдан чыккан өрттөн жабыркагандар жок. Бул тууралуу Өзгөчө кырдаалдар министрлигинин басма сөз кызматынан билдиришти.
Бишкекте унаанын майын алмаштыруучу жайдан чыккан өрттү өчүрүүгө ӨКМден жалпы 5 күжүрмөн эсеп Кризистик кырдаалдарда башкаруу борборунун Штабы тартылды. Тилсиз жоо саат 16:24дө чектөөгө алынып, учурда өрттү толук өчүрүү иши жүрүүдө.
Алдын ала маалымат боюнча өрттүн болжолдуу аянты 500чарчы метрди түзөт.
Мындан сырткары “Бишкексууканал” ишканасынан 1 суу ташуучу унаа, ИИМден 2 бригада, тез жардам кызматынан 1, “Бишкекгаз” кызматынан 1, РЭТтен 1 бригада иш алып барууда. Соңку маалымат боюнча, Бишкектин Ленин районунун К.Акиев көчөсүндө жайгашкан күйүүчү май алмаштыруучу жайынан чыккан өрт жакын жайгашкан Фрунзе көчөсүндөгү турак үйгө өтүп, үйдүн чатырынан өрт чыккан.
