Бишкекте ЕАЭБдин жыйынына байланыштуу жол кыймылына чектөө киргизилет
- 2 года мурун
Бишкекте ЕАЭБдин жыйынына байланыштуу жол кыймылына чектөө киргизилет. Бул тууралуу Ички иштер министрлигинин басма сөз кызматынан билдиришти.
8-9-10-декабрь күндөрү өтүүчү Жогорку Евразиялык экономикалык кеңештин жыйынына байланыштуу чет өлкөлүк делегацияларды тосуп алуу жана коштоп жүрүү учурларында Чүй облусунун айрым жолдоруна жана Бишкек шаарынын төмөнкү көчөлөрүнө маал-маалы менен чектөөлөр киргизилип турат.
— Манас аэропортунан баштап, Бишкек шаарынын чегине чейин;
— Фучик көчөсү менен Чүй проспектисине чейин; — Чүй проспектиси менен Фучик көчөсүнөн, Манас проспектисине чейин;
— Манас жана Ч. Айтматов проспектилери менен Чүй проспектисинен тартып, Мамлекеттик резиденцияга чейин;
— Мамлекеттик резиденциядан Дооронбек Садырбаев көчөсү менен Ата-Бейит мемориалдык комплексине чейин.
Бул күндөрү ИИМдин ЖКККББнын жалпы өздүк курамы күчөтүлгөн тартип кызмат өтөшөт.
