Бишкекте «Ак илбирс жарышы»- Snow Leopard Run өттү
- 7 дней мурун
Кечээ, 29-сентябрда, Бишкек шаарында “Ак илбирс жарышы” эл аралык марафону өттү.
Бишкек шаардык мэриясынын басма сөз кызматынын айтымында, марафон-жарыштын ачылышына Бишкек шаарынын вице-мэри Виктория Мозгачева жана Nomad Sport коомдук фондунун башкы директору Арслан Малдыбаев катышты.
Спорттук бул иш-чара “Ала-Тоо” аянтынан башталды, ага 4500 адам катышты.
Жарышка катышуучулар 21,1, 14 жана 5 чакырым аралыкка чуркашты.
Иш-чараны Бишкек шаардык мэриясынын колдоосу менен «Nomad Sport» коомдук бирикмеси өткөрдү.
Бул спорт майрамы беш жылдан бери уюштурулуп келе жатат. Катышуучулардын арасында чет өлкөдөн келгендер да бар.
Сүрөт: bishkek.gov.kg
Муну бөлүшүү
