Бишкекте айыл чарба жарманкеси өтүп жатат

Бишкекте айыл чарба жарманкеси өтүп жатат. Бул тууралуу мэриянын басма сөз кызматынан билдиришти.

Биринчи май районунун аймагында дем алыш күндөрү айыл чарба жарманкеси өтүүдө.

Айыл чарба жарманкеси Түгөлбай-Ата көчөсүндө Эркиндик бульвары менен Тыныстанов көчөсүнүн ортосунда өтөт. «Жарманкенин максаты — ата мекендик өндүрүшчүлөрдү, агроөнөр жай ишканаларын жана жеке ишкерлерди колдоо. Өз кезегинде шаар тургундары айыл чарба продукцияларын дүң жана чекене баада сатып ала алышат», — деп жазылат маалыматта.