Бишкек жүргүнчүлөрдү ташуучу автобустардын бир бөлүгүн Токмок менен Балыкчыга өткөрүп берет

Бишкек мэриясы жүргүнчүлөрдү ташуучу автобустардын бир бөлүгүн Токмок менен Балыкчыга өткөрүп берет. Тиешелүү токтомго министрлер кабинетинин төрагасы Адылбек Касымалиев кол койду.

Документке ылайык, эки шаарга мурда борборго келген бир нече автобустар берилет. Мамлекеттик мүлктү башкаруу боюнча мамлекеттик агенттикке шаардык мэриянын карамагындагы 13 коомдук транспортту Токмок жана Балыкчы шаарларынын муниципалитеттерине өткөрүп берүү тапшырылды.