Бишкек-Ош жолунда жүк ташуучу унааларга убактылуу чектөө киргизилди

Бишкек-Ош жолунун Сосновка — Төө-Ашуу постунда жүк ташуучу унааларга чектөөлөр киргизилди. Бул тууралуу «Кыргызавтожол» мамлекеттик ишканасы билдирди. 

Маалыматка ылайык, Төө-Ашууда музга каршы инерттик материалдар себилип жатат. Убактылуу чектөөлөр тыгындарды алдын алуу үчүн киргизилип, аба ырайы жакшырганга чейин уланат. 

«Буга байланыштуу, ашуулардан өтө турган айдоочуларга жайкы дөңгөлөктөрүн кышкыга алмаштырууну сунуштайбыз», — деп министрликтен билдиришти.