Бишкек: «Дубровский» рестораны шаардын муниципалдык менчигине өттү
- 12 месяцев мурун
«Дубровский» ресторанынын имараты Бишкек шаарынын муниципалдык менчигине өттү. Бул тууралуу мэриянын басма сөз кызматынан билдиришти.
Имарат 7-Апрель көчөсү, 159 дарегинде жайгашкан. Ресторандын ээлерине жер участокторун ижарага берүү укугун берүү боюнча Муниципалдык мүлктү башкаруу боюнча департаментинин комиссиясынын отурумунун чечими менен ижара келишимин узартуудан баш тартылды. Автобустук линияны кеңейтүү зарылдыгына байланыштуу башка жер тилкесин берүү чечими кабыл алынды.
Бул чечимдин негизинде ресторандын ээлерине Жер пайдаланууну контролдоо боюнча башкармалыгы тарабынан болгон имаратты демонтаждоо тууралуу билдирүү тапшырылды.
Бирок ижарачы мүлктү муниципалдык менчикке өткөрүп берүү каалоосун билдирип, келишимге ылайык жалпы аянты 500 чарчы метрге жакын ресторандын имараты өткөрүлүп берилген, ошондой эле аянты 0,37 га болгон мурда ижарага алынган жер тилкеси кайтарылды, имарат 48 млн 500 миң сомго бааланууда.
