Биринчи жолу баңгизат менен кармалган жаштарга ырайым берилеби?

Ички иштер министрлиги Жогорку Сот жана Башкы прокуратура менен бирге биринчи жолу баңгизат менен кармалган жаштарга ырайым кылуу боюнча сунуштарды карап жатат.

Бул тууралуу Ички иштер министринин орун басары Нурбек Абдиев Жогорку Кеңештин комитет жыйынында билдирди.

Депутат Элвира Сурабалдиева биринчи жолу баңгизат ишине байланыштуу кармалган жарандарга жазаны жумшартуу маселеси боюнча ИИМдин позициясын сураган.

«Биринчи жолу баңгизат менен кармалгандардын бардыгына ырайым берилеби? Себеби, бизге бул тууралуу ата-энелер көп кайрылып атышат»