«Бийлик тынч митинг- пикеттерге каршы эмес»

3 месяца мурун

Жогорку Кеңештин депутаты Элвира Сурабалдиева президент Садыр Жапаровго 8-март күнү Аялдардын эл аралык күнүнө карата тынч акция өткөрүүгө уруксат бергени үчүн ыраазычылык билдирди. Депутат мындай акция учурунда кээде атайын чагым уюштурулуп келгенин айтты.

Садыр Жапаров Кыргызстанда тынч митинг-пикеттерди өткөрүүгө эч кандай тыюу салынбаганын айтты. Президент Горький бакчасында тынчтык акцияларын өткөрсө болорун кошумчалады. Бирок марш, жүрүштөрдө кыргыз элинин табиятына, каада-салтына каршы келген чакырык, плакаттар менен чыкпоого чакырды.