Белгилүү журналист Мырзакул Мамбеталиев 63 жашында дүйнөдөн кайтты
- 2 года мурун
Белгилүү журналист Мырзакул Мамбеталиев 63 жашында дүйнөдөн кайтты. Бул тууралуу Улуттук телерадиоберүү корпорациясынын сайтына жарыяланды.
Ал аталган корпорациянын котормо студиясынын продюсери болуп иштеген.
Мырзакул Мамбеталиев 1959-жылдын 20-февралында Чүй облусунун Кош-Коргон айылында төрөлгөн. Кыргыз Мамлекеттик Университетинин журналистика факультетин аяктаган. 1981-жылдан бери өлкөнүн башкы каналында алгач катардагы кабарчы болуп, кийин «Ала-Тоо» студиясында, социалдык-экономикалык студиясында продюсер, Улуттук каналдын вице-президенти болгон. Акыркы жылдары «Котормо» студиясын жетектеп турган. Эгемендүүлүктүн 31 жылдыгынын урматына мамлекеттик жогорку сыйлык «Даңк» медалы менен сыйланган.
«ПолитКлиника» медиасы Мырзакул Мамбеталиевдин жакындарына терең кайгыруу менен көңүл айтат.
