Бажы кызматы конфискациялаган буюмдарды арзан убадалаган жаран кармалды
- 11 месяцев мурун
Бажы кызматы конфискациялаган буюмдарды арзан убадалаган жаран кармалды. Бул тууралуу Ош ШИИБинин басма сөз кызматынан илдиришти.
Ош ШИИБинин кызматкерлери 1986-жылы туулган, коӊшу мамлекеттин жаранын И.Е.ни кармашты. «Ал айрым ишенчээк жарандарга өзүн бажы кызматынын майору катары жалган маалымат берип тааныштырып, алдоо жолуна түшкөн. Ош шаарынын 1971-жылы туулган тургунуна «бажыдан конфискация болуп, кампада турган 10 даана муздаткыч, 1 даана ширетүүчү аппарат, 1 даана темир кесүүчү аппарат алып чыгып берем» деп убадасын берип, андан 124 миӊ сом акча каражатын алып, изин жашырып кеткен. Бүгүнкү күндө бул жаран Ош шаарынын жана Ош облусунун дагы 7 жаранын алдагандыгы аныкталып, алардан арыз түштү. Жабырлануучулар «бажынын кампаларында мыйзамсыз сакталып турган буюмдарды арзан алуу» үчүн 100 миӊден 300 миӊге чейин акча беришкен», — деп жазылат маалыматта.
Шектүү 2-августта кармалып, 4-августта Ош шаардык соту тарабынан тергөө иштери аяктаганга чейин абакта кармоо боюнча чечим чыкты.
