Азия оюндары: Адилет Шадыканов күмүш байгенин ээси болду

10 месяцев мурун

Карате боюнча улуттук курама команданын мүчөсү Адилет Шадыканов Ханчжоу шаарында өтүп жаткан Азия оюндарында күмүш медалга ээ болду. Бул тууралуу Дене тарбия жана спорт департаментинин басма сөз кызматынан билдиришти.

Спортчу 84 кг жогоркулар арасында беттешип, алгач Непалдык спортчуну 5:1 эсебинде жеңди. Ал эми жарым финалда Сауд Аравиялык атаандашын жеңип финалга чыккан. Чечүүчү беттеште Адилет Шадыканов Олимпиада оюндарынын чемпиону, Ирандык Саджад Ганжзаде менен кез келип, 2:4 эсебинде жеңилип 2-орунду ээледи.