“Азаттыктын” ишмердүүлүгүн токтотуу боюнча министрликтин арызын кароо 24-мартта уланат

Бишкектин Ленин райондук соту Маданият маалымат, спорт жана жаштар саясаты министрлигининин “Азаттык Медиа” мекемесинин ишмердүүлүгүн токтотуу боюнча доо арызын кароону 24-мартта улантат.

“Азаттыктын” жактоочусу Тимур Султанов арыздануучу тарап лингвистикалык экспертизага берүү өтүнүчүн келтиргенин, “Азаттыктын” жактоочулары бул боюнча позицияларын кийинки соттук отурумда билдире турганын айтышты.

Мындан улам соттук отурум 24-мартка жылдырылды.