«Арызыңарды жазып кете берсеңер болот». Садыр Жапаров санарипке өтүүнү каалабаган мекемелерге эскертүү берди
- 2 года мурун
Президент Садыр Жапаров санарипке өтүүнү каалабаган мекемелерге эскертүү берди. Бул тууралуу ал бүгүн, 20-августта Фейсбуктагы баракчасына жазып чыкты.
«Санарип министрине бир жылдык мөөнөт берилип, «бардык министрликтерди жана мамлекеттик мекемелерди санарипке өткөрөсүң» деген милдеттеме коюлган. Жарым жыл өттү. Таблицада көрүнүп тургандай кайсыл министрлик толук маалыматтарын 1-сентябрга чейин бербесе, 2-сентябрь күнү өз каалооңуздар менен арызыңарды жазып кете берсеңер болот. Санарипке өтүүнү каалабаган министрлик же мамлекеттик мекемелер коррупциялашкан мекемелер. «Мурдагыдай эле кагаз менен иштеп, уурдап жашай беребиз» дегендер деп билебиз.
Муну бөлүшүү
