Алымкадыр Бейшеналиевдин мурдагы кеңешчиси дагы бир айга камакта калтырылды
- 2 года мурун
Кызматтан убактылуу четтетилген саламаттык сактоо министри Алымкадыр Бейшеналиевдин мурдагы кеңешчиси Мээрим Тилекованын камактагы мөөнөтү 11-августка чейин узартылды. Мындай чечимди Каракол шаардык соту чыгарган.
Мээрим Тилекова 17-майда УКМК тарабынан Кылмыш-жаза кодексинин 343-беренесинин (Опузалап пара алуу) негизинде кармалган. Андан кийин тергөө амалдарын жүргүзүү үчүн Каракол шаарына жеткирилген. Каракол шаардык соту 19-майда Тилекованы үй камагына алуу тууралуу чечим чыгарган.
Министр Алымкадыр Бейшеналиев 12-майда Жети-Өгүздө медайымдардын кесиптик майрамына карата кафеде иш-чара өткөнүн, мурда орун басарынын катчысы болуп иштеп кеткен Тилекованы УКМК кызматкерлери ошол жерден кармап кетүүгө аракет кылганын, ага карата күч колдонуу коркунучу болгонун билдирген.
