Алмазбек Примов Мамлекеттик мүлктү башкаруу агенттигинин директору болуп дайындалды

Алмазбек Примов Мамлекеттик мүлктү башкаруу боюнча мамлекеттик агенттиктин директору болуп дайындалды. Бул тууралуу президенттик администрациянын басма сөз кызматынан билдиришти.

Маалыматка ылайык, тийиштүү буйрукка президент Садыр Жапаров кол койду.

Экономика жана коммерция министрлигинин Мамлекеттик мүлктү башкаруу фонду былтыр Министрлер кабинетине караштуу Мамлекеттик мүлктү башкаруу боюнча мамлекеттик агенттик болуп кайра түзүлгөн.