Акжол Махмудовдун атасы: «Акжол Олимпиаданы жеңбей калганына 2 адам күнөөлүү»
- 2 года мурун
Акжол Махмудовдун атасы Мухаммед Махмудов уулунун Париждеги Олимпиададагы начар көрсөткүчүнө ким күнөөлүү экенин айтты.
Францияда өткөн оюндарда Махмудов 3-орунду ээлеп, коло байгеге ээ болгон.
«Мен Акжол менен Жоламан олимпиаданы жеңет деп ишенчүмүн. Мен кыздардын атаандаштарынын күчүн түшүнүп, аларга ишенчү эмесмин. Мээримге эч ким ишенген эмес, андан медаль күткөн эмес. Обородуду деген күчтүү монгол аял бар эле. Эң негизгиси, Мээримдин 72 килограммга чейинки салмак категориясына АКШдан чыккан дүйнөнүн үч жолку чемпиону түшкөн.
Айсулуу жаракат алган, бирок мен Айпери финалга чыгат деп ойлогом.
Бирок мен Акжол менен Жоламанга 100% ишенчүмүн.
Жоламанды Фумита жөн эле алдап койду. Күрөш деген эмне экенин Олимпиадага чейин эле Жоламан менен болгон күрөштөн кийин гана түшүнгөнүн айта баштады. Ал буга чейин дүйнө чемпиону болгон. Психологиялык жактан Жоламандан ашып түштү. Ал эми, Акжол жөн эле даяр эмес болчу.
Акжолдун олимпиада чемпиону болбой калганына эки адам күнөөлүү. Биринчиси мен, экинчиси анын жеке машыктыруучусу Мейрамбек Ахметов. Мен башкара албай калдым, Ошто көбүрөөк болдум. Мен машыктыруучу аны карап жатат деп ойлогом, ал эми машыктыруучу мени карап жатат деп ойлоду. Мен Акжолдун Олимпиадага эмне үчүн даяр эместигин да айтам.
Акжол моралдык-психологиялык жактан даяр эмес болчу. Физикалык жактан даяр болчу. Олимпиада 4 жылда бир өтөт. Бул жерде психологиялык даярдык абдан маанилүү. Бирок Акжолдун оюнда башка нерсе бар эле. Бирок азырынча сыр болсун.
Акжолдун башы башка бир маселе алек болуп калды. Оюндарга даярдык начар болду, бирок бул жерде машыктыруучулардын күнөөсү жок. Өзү психологиялык жактан даяр эмес болчу. Себептери бар, аларды кийин билдик», — деди Мухаммед Махмудов Эмир Арастанбек уулунун YouTube каналына берген маегинде.
