Акылбек Жапаров иш сапары менен Москвада жүрөт

Министрлер кабинетинин төрагасы Акылбек Жапаров иш сапары менен Москва шаарында жүрөт. Бул тууралуу өкмөттүн басма сөз кызматы билдирди.

Маалыматка ылайык, Жапаров иш сапарынын алкагында «Россия Сбербанк» коомдук акционердик коомунун иши менен таанышат. Сколководогу Киберкоопсуздук борборуна жана Дата-борборго барат. Ошондой эле бир катар эки тараптуу жолугушууларды өткөрөт.

Кыргыз делегациясынын жумушчу сапары «Россия Сбербанк» ААК башкармалыгынын төрагасы Герман Грефтин чакыруусу менен уюштурулган.