Активист Өндүрүш Токтонасыров Илимдер академиясынын алдына акция уюштурду
- 1 год мурун
Бүгүн, 23-майда жарандык активист Өндүрүш Токтонасыров Илимдер академиясынын алдына акция уюштурду.
Анда ал колуна «Студент жаштарды колдогула», «А.Акаевдин дарсы зарылбы? Эмнеге унчукпайсыз?” деген жазууларды көтөрүп чыкты.
Аскар Акаев Кыргызстанды 1990-2005-жылдары башкарган. 2005-жылкы март окуясында бийликтен кулатылгандан кийин үй-бүлөсү менен Орусияга чыгып кеткен. Аскар Акаев 2021-жылы «Кумтөр иши» боюнча козголгон кылмыш ишинин негизинде тергөөгө көрсөтмө берүү үчүн эки жолу Кыргызстанга келип кеткен. Акаев УКМКга сурак берип, тергөө менен кызматташа турганын билдирген.
19-майдан 20-майга караган түнү Аскар Акаев жубайы Майрам Акаева менен Кыргызстанга келген. Анда ал Исхак Раззаков атындагы Кыргыз мамлекеттик техникалык университетине лекция окуй турганы айтылган. Буга айрым студенттер каршы болушкан.
